ამბროლაურის აეროპორტი

ადგილობრივი მნიშვნელობის აეროპორტი ქალაქ ამბროლაურში, რაჭა-ლეჩხუმისა და ქვემო სვანეთის შუაგულში მდებარეობს. აეროპორტის მშენებლობა 2016 წლის აგვისტოს თვეში დაიწყო, ასაფრენ-დასაფრენი ზოლის მშენებლობა 2016 წლის დეკემბერში დასრულდა, ხოლო ტერმინალი 2017 წლის იანვარში.

აეროპორტი შიდა ავიარეისებს ემსახურება და უზრუნველყოფს საჰაერო კავშირს საქართველოს რეგიონებთან და მათ შორის დედაქალაქთან.

ამბროლაურის აეროპორტი მოგზაურებს შესაძლებლობას აძლევს მოინახულონ რაჭა-ლეჩხუმის რეგიონი, რომელიც განსხვავებულია კულტურული მემკვიდრეობით.

2024 წელს ამბროლაურის აეროპორტი მოემსახურა 129 რეისსა და 1,825 მგზავრს.