ბათუმის საერთაშორისო აეროპორტი

ბათუმის საერთაშორისო აეროპორტი საქართველოში ერთ-ერთი ყველაზე პოპულარულ ზღვისპირა ქალაქში, ბათუმში მდებარეობს, საიდანაც მგზავრებს შესაძლებლობა აქვთ რეგიონის ღირსშესანიშნაობები მოინახულონ და ასევე ესტუმრონ სხვადასხვა ქალაქებს მსოფლიოს მასშტაბით.

2021 წელს, მგზავრთნაკადის ზრდისა და მზარდი მოთხოვნის პარალელურად, ბათუმის აეროპორტი გაფართოვდა, რამაც აეროპოროტს შესაძლებლობა მისცა 1,2 მილიონამდე მგზავრს მომსახურებოდა. გაფართოება მოიცავს როგორც ინფრასტრუქტურულ განახლებას, ასევე ტერმინალის გაფართოებას.

ბათუმის აეროპორტის ფრენების რაოდენობა 2024 წელს 2023 წელთან შედარებით 33%-ით, ხოლო 2019 წელთან შედარებით 45%-ით გაიზარდა. რაც შეეხება მგზავრთნაკადს, 2024 წელს წინა წელთან შედარებით 53%-ით, ხოლო 2019 წელთან შედარებით ასევე 52%-ით გაიზარდა. აეროპორტი 2024 წელს 951,760 მგზავრს მოემსახურა.

ბათუმის საერთაშორისო აეროპორტმა 2023 წელს მიიღო „Skytrax World Airport“- ის ჯილდო. Ხოლო 2024 წელს Skytrax World Airport Awards-ზე აღმოსავლეთ ევროპის 10 საუკეთესო აეროპორტს შორის დასახელდა.