აკადემიის შესახებ

შპს „საქართველოს აეროპორტების გაერთიანების“ ბაზაზე შექმნილი UAG აკადემია ახორციელებს სასწავლო კურსების ჩატარებას, ICAO-ს სერტიფიცირებული ინსტრუქტორების მიერ. სწავლება ხორციელდება სსიპ „სამოქალაქო ავიაციის სააგენტოს“ მიერ შეთანხმებული აეროპორტის საავიაციო უშიშროების უზრუნველყოფის პროგრამისა და სამოქალაქო ავიაციის საერთაშორისო ორგანიზაციის - ICAO სტანდარტების შესაბამისად.

UAG აკადემია ახორციელებს 11 სასწავლო პროგრამას საავიაციო ინდუსტრიაში ისეთი მნიშვნელოვანი მიმართულებებით, როგორიცაა საავიაციო უშიშროება და სახიფათო ტვირთები, ასევე 12 სწავლებას სამოქალაქო ავიაციის ინდუსტრიაში, ყოველწლიურად, 2700 - ზე მეტი სპეციალისტის გადამზადება ხორციელდება.

UAG აკადემიაში, პროფესიული ცოდნის შეძენა და სასერტიფიკატო კურსების გავლა შეუძლიათ, როგორც ავიაციის ინდუსტრიასთან დაკავშირებულ კომპანიებს, ასევე საქართველოს ყველა სამოქალაქო აეროპორტის თანამშრომელს, აეროპორტებში არსებული კომპანიების მიერ დასაქმებულ პირებს.

სასწავლო პროგრამები შედგება როგორც თეორიული, ასევე პრაქტიკული ნაწილისგან, სწავლება ხორციელდება სპეციალურად აღჭურვილ რეალურ სამუშაო გარემოსთან მაქსიმალურად მიახლოებულ აუდიტორიებში.

სასწავლო პროგრამის, მისი პრაქტიკული და თეორიული ნაწილის წარმატებით გავლის შემთხვევაში, აკადემია გასცემს სწავლების დამადასტურებელ სერთიფიკატს სპეციალური პროფესიული მომზადების გავლის შესახებ.